Elevpraten

Namn: Enes Turkoglu

Alder: 7 år

Skule/klasse: Nordstranda skule 2. klasse

Bustad: Nordstranda

Aktivitet/tilbod på kulturskulen: piano

– Kvifor har du valt dette instrumentet?

– Eg vil bli god til å spele piano og spele songar som eg likar.

– Kor lenge har du gått på kulturskulen?

– Eg begynte i haust, så eg har gått cirka fem månader.

– Kor mykje tid brukar du på speling per dag eller per veke?

– Eg speler kanskje to eller tre gonger per veke, i cirka 20 minutt kvar gong.

– Kva er det kjekkaste med å gå på kulturskulen?

– Eg likar best å spele piano.

– Har du eit førebilete?

– Kerem hjelper meg. Han er storebroren min og spelar også piano på kulturskulen. Han er cirka ti gongar betre enn meg.

– Kva musikk likar du å høyre på og spele?

– Eg likar for eksempel musikk frå Minecraft. Når eg høyrer ein song eg likar, prøver eg å spele den på piano.

– Driv du med andre fritidsaktivitetar i tillegg til kulturskulen?

– Eg går på turn. Før gjekk eg også på fotball.

– Har du nokon draumar for framtida?

– Eg vil lære meg ein vanskeleg song på piano som broren min kan.

– Kjenner du andre som går på kulturskulen?

– Ja, eg veit om nokon i 3. eller 4. klasse som går der. Ein gut i klassa mi går også på piano, han heiter Levi.