Lokal mat på lokale fat

Senterpartiet vil at omsetninga av lokal mat og drikke skal doble seg dei neste 10 åra. Vi har derfor i vinter lagt fram forslag som skal bidra til å styrke produsentane av lokalmat i heile landet, medan vi var saman med Ap i regjering.

Lokalmatproduksjon bidreg til berekraftig bruk av ressursane på gardane og til aktivitet i bygdesamfunna. Det skaper gjerne lokalt samarbeid mellom dei som produserer råvarer og dei som driv vidareforedling, til felles nytte. Auka lokalt eigarskap, styrka matberedskap og kort veg mellom produsent og sluttkunde positive effektar av at det blir produsert meir lokalmat.

Endra regelverk for offentlege innkjøp skal bidra til auka sal av den lokale maten. Regjeringa vil mellom anna gjera det mogleg for kommunar og offentlege verksemder å kjøpe inn lokalmat for høgare beløp utan anbodsprosess. Slike prosessar er ofte for krevjande til at små produsentar har kapasitet til å levere tilbod. I dag er grensa for kjøp utan anbodsprosess sett til kr 100.000. Framlegget vår regjering la fram i vinter overfor Stortinget er å auke denne grensa til kr 300.000. Dette er eit godt grep for at fleire små produsentar, både av mat, drikke og andre varer og tenester, skal kunne levere varer til det offentlege.

Lokal mat og drikke er ein god måte å styrke og formidle lokal identitet og kultur på. Derfor vil vi i Senterpartiet både i kommunane og nasjonalt halde fram med å legge til rette for at meir lokal mat kan serverast på lokale fat.

 Jenny Klinge,  stortingsrepresentant, Senterpartiet