Framstegspartiet, med Sylvi Listhaug i spissen, har sidan november vore det største partiet på borgarleg side. No har Høgre teke dei igjen. Foto: Ole Berg-Rusten/NTB/NPK.

Frp fell på ny TV 2-måling – svakaste oppslutning sidan oktober i fjor

For første gong sidan november i fjor får Høgre noko større oppslutning enn Framstegspartiet i TV 2s stortingsbarometer. Arbeidarpartiet er framleis størst.

Publisert

Framstegspartiet fell med 2,6 prosentpoeng på TV 2-målinga og får ei oppslutning på 19 prosent, som er den svakaste oppslutninga partiet har hatt sidan oktober i fjor.

Høgre er også hårfint større enn Frp for første gong sidan november i fjor, med ei oppslutning på 19,5 prosent – opp 0,2 prosentpoeng frå førre måling. 

Målinga er utført av Verian for TV 2 i perioden 25. til 31. mars. 987 personar fordelte på heile landet er intervjua, og feilmarginen er mellom +/- 1,4 til 2,8 prosent.

Arbeidarpartiet er det største partiet i landet for andre månaden på rad med ei oppslutning på 29,4, ein svak nedgang på 0,1 prosentpoeng frå førre måling.

Målinga viser også raudgrønt fleirtal med 89 mandat. Sist raudgrøn side hadde fleirtal på TV 2s stortingsbarometer var i juni 2024. 

Slik ser oppslutninga ut for resten av partia (med endring frå førre måling i parentes):

R: 6,1 (+2,6), SV: 6,4 (-1,5), Sp: 6,5 (+1,9), MDG: 2,5 (-0,1), V: 4,1 (-0,1), KrF: 3,8 (+0,6), INP: 0,0 (-1,1), Andre: 2,7 (+0,2). (©NPK)

nyhende
Powered by Labrador CMS