Ingen apotek får levert ut reseptmedisinar
Apotek over heile landet får ikkje levert ut reseptar på grunn av problem med det felles systemet til apoteka.
– Ingen apotek får ekspedert reseptar for tida, seier kommunikasjonssjef Jostein Soldal i Apotekforeningen til VG.
NRK omtalte om problema først. Dei skriv at problemet ligg hos Norsk helsenett, som no jobbar med å rette feilen. Apoteka er avhengige av å slå opp personnummeret for å identifisere kundane slik at dei kan utlevere medisinar, men det er ikkje mogleg no.
Annonse
Det er uklart kor lenge problema vil vare.
– Vi er kopla på eit felles apoteksystem, der det er eit problem. Vi har fått info om at reseptformidlaren er nede, der systema våre blir kopla på styresmaktenes, seier kommunikasjonssjef i Vitus Apotek Camilla Tully til VG.
Ho understrekar at medisinar blir utleverte med manuelle løysingar ved akutte behov.
