Stengt mellom Innvik og Olden

Fv. 60 mellom Olden og Innvik er meldt stengd fram til kl. 15 torsdag etter at det gjekk eit stort ras over vegen onsdag kveld. 

– Raset er på 40-50 meter breidde og det er ganske mykje som har kome ned av skog og massar, seier politioverbetjent Morten Hagen til Fjordingen onsdag kveld. 

Raset har gått på sørsida av Holetunnelen, ifølgje lokalavisa for indre Nordfjord.