Vis mobilvett i påska
Mange legg turen til fjellet i påska, men teknologi er ikkje alltid nok for å halde deg trygg. Myndigheitene ber turgåarar vere budde på at mobiltelefon og smartklokker kan svikte – særleg i område utan dekning eller i sterk kulde.
Mobiltelefonen kan vere ein viktig tryggingsressurs i fjellet, men du bør ikkje stole blindt på teknologien.
– Det kan aldri erstatte god førebuing, seier digitaliserings- og forvaltningsminister Karianne Tung.
Annonse
Nasjonal kommunikasjonsmyndigheit minner om at mobildekninga i fjellet kan vere ustabil, og at batteri tømmast raskare i kulda.
Ta med papirkart, kompass og vurder naudutstyr som satellittelefon eller naudpeilesendar på lengre turar.
Hugs at du kan ringe naudnummer sjølv utan dekning frå ditt eige mobilselskap – så lenge eitt selskap har dekning der du er.
Om du har ein «gammal» mobil er det også verdt å merke seg at om du skulle få behov for å ringe eit naudnummer, vil ikkje desse telefonane kunne vise naudetatane eksakt kvar du er. (©NPK)
